Komande konsertar og framsyningar
28.mars kl 19: SILYA TRIO! Silya er ein av Norges sterkaste live-artistar. Ho har spelt tallause konsertar med bandet «Silya & the Sailors», og er kjend frå TV gjennom programmet "Stjernekamp". Etter å ha via nesten heile livet til musikk er Silya vorte ein sjeldant kraftfull musikar og låtskrivar, med eit nærvær som bergtek publikum og anmeldarar kvar gong ho opptrer. Til Operalåven kjem ho i trioformat - med to musikarar - og speler frå det nye albumet “What if it all works out”. Dørene opnar kl 18.
Billettar: Silya trio
29.mars kl 19: Ål of us - ein lokal miks av hardingfele, trekkspel, trøorgel og vokal. Kva gjer Ingebjør Sørbøen, Ingunn Stræte, Vemund Olav Aukrust og Marit Sehl i same rom? Dei er alle musikarar som bur i Ål, men kva i all verda tenkjer dei med å spele saman - eig dei ikkje respekt for sjanger og tradisjon? Eller er det ein heilt vanleg laurdagskveld i kulturkommunen Ål, der folkemusikarane, organisten og operasongaren berre har snubla over kvarandre på vegen? Me fer sjå! Dørene opnar kl 18.
12.april kl 16: Påskeklang: Nordic Voices Sense and Nonsense. Den norske, internasjonalt ettertrakta vokalgruppa Nordic voices kjem til Ål for fyrste gong! Sidan 1996 har sekstetten reist i inn- og utland, og bergteke publikum med finstemt stemmeklang og slåande presisjon. Repertoaret spenner frå den eldste musikken me kjenner, til eksperimentelle verk a là 2025. Dei kjem med eit humørfylt program der du får høyre alt kva menneskestemma har å by på, og kanskje òg nokre vokale krumspring du ikkje hadde venta.
Billettar: Nordic Voices
14.juni kl 16: Den listige lille reven Ein barneopera. Operaen følgjer livet til reven Smartøre. Ho blir fanga av Skogvoktaren og tatt med heim til garden hans. Skogvoktaren trur reven kan bli kjæledyret hans, men reven vil vere fri og leve i skogen. Ho stikk av frå garden og møter ein annan rev, Gullstripe. Saman får dei revungar og lagar seg ein heim. Men skogen kan vere ein farleg stad, og Smartøre må passe på seg sjølv og familien. Med Più Sinfonietta og lokalt barnekor med elevar frå Ål kulturskule. Musikalsk leiar Kristoffer Nikolai Wøien. Musikk av Leos Janacek. Forestillinga varar ca 45 min. Hugs at alle arrangement i Operalåven er gratis for barn og ungdom!
Billettar: Den listige lille reven
28.juni kl 13 og 18 (to framsyningar): Sommaropera. Opera midt i naturen! For 7. år på rad ynskjer me velkomen til utandørs Sommaropera på Sehl. Publikum sit i tunet, og får servert musikalske høgdepunkt frå opera og operette smidd inn i ei lokal historie. Songarane Susanne Hvinden Hals, Nils Georg H. Nilsen, Jesper Mikkelsen og Marit Sehl, pianist Monica Tomescu-Rohde og eit stort operakor let seg ikkje stoppe av vêr eller vind! Området opnar 2 timar før framsyning, med varm grill og kald drikke. Ta med eigen stol om du kan.
Billettar: Sommaropera
Billettar til alle arrangement får du på www.aal.kulturhus.no eller over skranken i kulturhuset. Der kan du og kjøpe gavekort til framsyningar i Operalåven.
Gratis inngang for barn og ungdom opp t.o.m 21 år!
Operalåven takkar Kulturdirektoratet, Buskerud fylkeskommune, Ål kommune, Fond for utøvande kunstnarar og Sparebankstiftelsen Hallingdal for støtte til verksemda.
